GAIZKIAREN HUTSALKERIA

Ez erabili «esku libreak» aukera museoaren barruan.

ETAren argitalpenak, hala nola Zutik edo Zutabe, propaganda zabaltzeko eta barne-kohesioari eusteko erabiltzen ziren.

Poliziak fitxatutako etakideek dokumentazio faltsua erabiltzen zuten ezkutatzeko. Hemen ikus ditzakezun dokumentuak 2003an Frantzian atxilotu zuten Mikel Otegirenak ziren. Otegik bi ertzain hil zituen tiroz, Iñaki Mendiluze eta José Luis González, Itsasondon (Gipuzkoa), 1995ean.

Oso adibide gutxik erakusten dute gaizkiaren hutsaltasuna aurreko bitrinarenak bezain argi. Alde batetik, 80ko hamarkadara arte etakideek bete behar zituzten fitxak ditugu, beren datu pertsonalekin eta txartel-argazki batekin, erakundean sartzen zirenean.

Bestalde, etorkizunean atentatuak egiteko informazioak daude, non etorkizuneko biktimen errutinak agertzen diren. Badira seme-alabak eskolara eramaten dituzten gurasoak, lanetik irtetean taberna batera joaten diren poliziak, baita eskuz egindako oharrak ere, beren bizitzekin amaitzeko arma mota egokienari buruz.

Azkenik, beira-arasaren gaineko panelean Domingo Iturbe ETAko buruak, Txominek, Zuberoa taldeko kideei idatzitako gutunaren kopia bat dago, eta, lagunarteko agurren artean, «exekuzioekin» jarraitzeko eskatzen die.